Чемпиондар лигасына байланысты «Астананың» ойыны өтетін уақыт өзгерді
Футбол
Қазақстан премьер-лигасы аясындағы «Мақтаарал» - «Астана» ойыны тамыз айынан мамырға ауыстырылды, деп хабарлайды BasSport.kz.
Қазақстанның кәсіпқой футбол лигасының әкімшілігі «Астана» клубының матчтың уақытын өзгерту туралы өтінішін қанағаттандырған.
Қазақстанның кәсіпқой футбол лигасының әкімшілігі «Астана» футбол клубының UEFA Чемпиондар лигасының іріктеу кезеңіне қатысуына байланысты өтінішін ескеріп, «Мақтаарал» футбол клубының тиісті келісімімен Қазақстан OLIMPBET-Чемпионатының XIV турының «Мақтаарал» - «Астана» ойынын 2023 жылдың 12 тамызынан 10 мамырдағы резервтік күнге ауыстыру туралы шешім қабылдады, - делінген мәліметте.
«Астана» – ҚПЛ-2022 чемпионы. Биылғы маусымда елорда клубы турнирлік кестеде екінші орында келеді.