Ерасыл Қажыбаевқа облыс мәслихатының депутаты мен демеушілер жол талғамайтын көлік сыйлады
Видеодан кадр
Астанада өткен «Қазақстан барысы-2024» турнирінің жеңімпазы Ерасыл Қажыбаевқа демеушілер тарапынан су жаңа көлік сыйға тартылды, деп хабарлайды Bassport.kz Abai Aqparat сілтеме жасап.
Белгілі балуанға «Tank» маркалы көлікті меценат, «TasGroup» компаниясының негізін қалаушы Дулат Тастекей мен облыстық мәслихат депутаты Қайырлы Қасенов табыс етті.
Өз кезегінде Ерасыл Қажыбаев көрсетілген құрметке алғыс білдіріп, жеңісін ел рухын көтеруге арнайтынын жеткізді. Бұған дейін турнир жеңімпазына Абай облысының әкімі үш бөлмелі пәтер тарту еткен болатын.
Айта кетейік, Ерасыл Қажыбаев ұлттық спорттың ірі додасында шымкенттік Ерсұлтан Мұзафаровты финалда жеңіп, үшінші рет ақтық сынға жолдама алған болатын. Бұған дейін ол 2018 және 2019 жылдары финалда жеңіліс тапқан еді. Биылғы жеңіс балуанның қажырлы еңбегінің нәтижесі екенін көрсетті.