Ислам Махачев октагонға оралады
Жекпе-жек
UFC-де жеңіл салмақтағы чемпион ресейлік Ислам Махачев октагонға оралатынын жариялады, деп хабарлайды BasSport.kz.
Таңертең оянғанда қайта оралғым келетінін түсіндім, - деп жазды UFC чемпионы әлеуметтік желіде.
Соңғы рет Махачев ақпан айында айқасты. Ислам ол кезде жартылай жеңіл салмақтағы UFC белбеуінің иегері австралиялық Александр Волкановскийді ұтқан. Еншісінде қатарынан 12 жеңіс бар.
Айта кетейік, ресейлік файтер 2022 жылдың қазан айында бразилиялық Чарльз Оливейраны мерзімінен бұрын жеңген кезде промоушен чемпионы болды.