Жібек Құламбаева Түркияда абсолютті чемпион атанды
Теннис
Қазақстандық теннисші Жібек Құламбаева Түркияның Анталья қаласында өткен ITF W15 турнирінің абсолютті чемпионы атанды, деп хабарлайды bassport.kz тілшісі.
Жарыстың 1-ракеткасы болып тіркелген қазақстандық теннисші финалда дүниежүзілік рейтингіде 622-орында тұрған чехиялық Дениса Хиндовамен бас жүлдені сарапқа салып, отандасымыз 6:1, 6:3 есебімен жеңіске жетті.
Бұдан бұрын, Жібек ресейлік Дарья Лодиковамен бірге жұптық сында да үздік шыққан еді. Осылайша, ол жарыстың абсолютті чемпионы болды.