"Милан" 2013 жылдан бері тұңғыш рет Чемпиондар лигасының плей-оффында жеңіске жетті
Чемпиондар лигасы 2023-2022 жылдар маусымы плей-офф кезеңінің 1/8 финалы аясында "Милан" мен "Тоттенхэм" алғашқы кездесулерін өткізді, деп хабарлайды bassport.kz тілшісі.
"Сан-Сиро" стадионында өткен кездесуде Стефано Пиолидің шәкірттері 1:0 есебімен жеңіске жетті. Гол авторы - Браим Диас. Ол матч есебін ойынның 7-минутында ашып, содан кейін таблодағы көрсеткіш өзгеріссіз қалды.
"Милан" он жылда бірінші рет Чемпиондар лигасы плей-офф кезеңінде жеңіске қол жеткізді. Соңғы рет клуб 2013 жылдың ақпан айында жеңіске жеткен. 20 ақпан күні "Барселонаға" қарсы өткен кездесуде италиялық клуб басым түскен. Ал кейінгі қарымта кездесуде "Барселона" жеңіске жеткен, ал "Милан" Чемпиондар лигасы плей-офф кезеңі 1/8 финалында жарыс жолын аяқтаған.
"Милан" мен "Тоттенхэм" арасындағы екінші матч 8 наурыз күні Лондонда өтетінін еске саламыз.