Мессидің әкесі "Әл-Хилалмен" келіссөз жүргізіп жатыр
Футбол
Аргентина ұлттық құрамасы мен франциялық “ПСЖ” шабуылшысы Лионель Мессидің әкесі әрі агенті ұлының трансферіне қатысты саудиялық “Әл-Хилал” клубымен келіссөз жүргізіп жатыр, деп хабарлайды bassport.kz тілшісі “Daily Mail” басылымына сілтеме жасап.
Қазір Хорхе Месси маусымдық жалақы көлемі 300 млн еуро болатын келісімшарт жасау үшін Сауд Арабиясының астанасы Эр-Риядта жүрген көрінеді. Аргентина құрамасы капитанының франциялық клубпен жасасқан келісімшарты 2023 жылдың маусымында аяқталады.
Бұған дейін Мессидің де Роналду секілді саудиялық клуб қатарын толықтыруы әлем жанкүйерлерінің лигаға назарын аудартатыны, ал ол өз кезегінде Сауд Арабиясының 2030 жылғы әлем чемпионатын өткізуіне көмектесетіні туралы ақпарат тараған.