ҚПЛ клубы А сериясының командасымен сынға түседі
Футбол
Түркияда оқу-жаттығу жиындарын өткізіп жатқан “Қайсар” италиялық “Сампдория” командасымен жолдастық кездесу өткізеді, деп хабарлайды BasSport.kz тілшісі.
Италия футбол лигасы А сериясының клубымен болатын ойын 23 желтоқсан күні өтеді. Матч Астана уақытымен 14:00-де басталады.
Қызылордалық команда келер маусымда Қазақстан Премьер-Лигасында өнер көрсетуге мүмкіндік алды. Клуб қазақстандық командалардың арасынан алғашқылардың бірі болып жаңа маусымға дайындықты бастады.
Сондай-ақ биыл команда тізгінін Виктор Кумыков ұстағанын еске салайық.