Астанада садақ атудан “GRAND PRIX KAZAKHSTAN” халықаралық турнирі өтеді
Olympic.kz
2024 жылдың 1-3 қараша күндері Астана қаласында садақ атудың негізін қалаушы, еңбек сіңірген жаттықтырушы Ли С.Н.-ды еске алуға арналған “GRAND PRIX KAZAKHSTAN” халықаралық ашық турнирі өтеді, деп хабарлайды Bassport.kz
Бұл ауқымды іс-шара Қазақстан спортында тұрақты дәстүрге айналып, төртінші рет өткізілуде.
Турнирге Еуропа мен Азия елдерінен әуесқойлардан кәсіпқой спортшыларға дейін 300-ге жуық қатысады. Бұл оқиға елордада және Қазақстанда садақ атудың жаппай дамуының, Азия және Еуропа мемлекеттерімен достық қарым-қатынас құру символы болып табылады.
Турнир барысында жеке және командалық біріншілік жаттығуларда 16 медаль жиынтығы сарапқа салынады.
Ақтық сайыстар 3 қараша күні 12:00-ден 19:00-ге дейін “Хан Шатыр” сауда орталығында өтеді.