Арам Айрапетян "Атыраудан" кетті
Футбол
Қазақстан Премьер-Лигасында өнер көрсететін "Атырау" футбол клубының қақпасышы Арам Айрапетян командадан кетті, деп хабарлайды bassport.kz тілшісі.
"Арам Айрапетян "Атырау" футбол клубымен қош айтысты. Клуб Арамға алғыс айтып, алдағы мансабында сәттілік тілейді", - деп жазды "Атырау" ФК баспасөз орталығы.
Арам Айрапетян "Атырау" сапын 2021 жылдың қаңтар айында толықтырған болатын, сол шақтан бері ол 42 матчта өнер көрсетті. Сондай-ақ команда капитаны да болды.
Өткен маусымда атыраулық клуб 29 ұпай еншілеп, турнирлік кестеде 11-орынға табан тіреген.