“Барыс” шабуылшысы әлем чемпионаты үздік сұрмергендері қатарында
Хоккей
Норвегияда өтіп жатқан 20 жасқа дейінгі жастар арасындағы І дивизионның А тобындағы әлем чемпионатында Қазақстан құрамасының капитаны, “Барыс” хоккей клубының шабуылшысы Дінмұхамед Қайыржан турнирдің үздік 5 сұрмергенінің тізіміне енді, деп хабарлайды BasSport.kz тілшісі.
Оның еншісінде 2 гол мен екі нәтижелі пас бар. Дінмұхамед Қайыржан Венгрияға қарсы ойында (3:2) жеңіс шайбасын соғып, бір нәтижелі пас берген.
Ал кеше Даниямен болған матчта кем құрамдағы ойын кезінде нәтижелі соққының авторы атанып, тағы бір голдың қақпа торынан табылуына атсалысқан.
Қазақстан ұлттық құрамасы енді Словения және Норвегия командаларымен кездеседі.
