Жұмағұлов кәсіби мансабын аяқтағанын мәлімдеді
Жекпе-жек
Аралас жекпе-жектен UFC Fight Night 215 турнирінде бақ сынаған Жалғас Жұмағұлов америкалық Чарльз Джонсоннан жеңіліс тапқаннан кейін, өз Instagram парақшасында кәсіби мансабын аяқтайтынын мәлімдеді, деп хабарлайды BasSport.kz тілшісі.
- Жекпе-жекті бәріңіз көрдіңіздер, артық айтар ештеңе жоқ. Бүгінгі жекпе-жек мансабымдағы соңғысы болды. Маған жанкүйер болған барша жанға рақмет. Кәсіби мансабымды әрі қарай жалғастырғым келмейді. Осымен бірнеше жекпе-жек бойы төрешілер жеңісті маған бермейді. Еңбек етесің, жаттығасың, бірақ нәтижесі оған сай емес. Мұның барлығын эмоциямен айтып отырған жоқпын. Жанкүйер болған барлық адамға рақмет, - деді Жалғас Жұмағұлов Instagram парақшасының Stories-не жүктеген видеосында.