IV ауыл спорты ойындары аяқталды
Басқа
Бүгін Жетісу облысында IV ауыл спорты ойындары өз мәресіне жетті.
25 шілдеден бастап Талдықорған қаласында 14 өңірдегі ауылдардан келген 3000-ға жуық жас спортшы спорттың 12 түрінен: шағын футбол, волейбол, баскетбол (3*3), көгалдағы хоккей, қазақ күресі, асық ату, тоғызқұмалақ, армрестлинг, грек-рим күресі, дзюдо, еркін күрес пен үстел теннисінен сынға түсті. Ойындардың соңғы күні қазақ күресінен үздік шыққан командалар белгілі болды. Қазақ күресінен 112 ұпаймен Түркістан облысы топ жарса, Жетісу облысының өкілдері екінші, қарағанды облысының өкілдері үшінші орынға ие болды.
Осыдан кейін IV ауыл спорты ойындарының қорытынды ұпайын жариялау және жеңімпаздарды марапаттау рәсіміне кезек келді. Қорытынды есепте 290 ұпай жинаған Жетісу облысы 1-орынды иеленді. Ал 268 ұпайы бар Алматы облысы 2-орын алса, 256 ұпаймен Түркістан облысының командасы үшінші орынға тұрақтады.
Дәстүр бойынша төрт жылдан кейін ауыл спорты ойындарын қабылдайтын өңір анықталды. Ойындардың туын Жетісу облысы Ақтөбе облысына тапсырды.