Айгерім Сәттібаева Азия чемпионатының қола жүлдегері атанды
Бокс
ҚБФ
Қазақстандық боксшы Айгерім Сәттібаева 2026 жылғы Азия чемпионатының жартылай финалында өнер көрсетті.
Байрақты бәсеке World Boxing ұйымдастыруымен Улан-Батор қаласында өтіп жатыр, деп хабарлайды Bassport.kz.
48 келіге дейінгі салмақ дәрежесінде сынға түскен отандасымыз жергілікті спортшы Номундари Энх-Амгаланмен қолғап түйістірді. Жекпе-жектің алғашқы раундында Айгерім 3:2 есебімен басым түскенімен, кездесу қорытындысында төрешілер жеңісті моңғолиялық боксшыға берді.
Нәтижесінде, Номундари Энх-Амгалан финалға жолдама алса, Айгерім Сәттібаева жарысты қола жүлдемен аяқтады.
Айта кетейік, Айгерім Сәттібаева – бес баланың анасы. Ол 2025 жылы Қазақстан чемпионатында топ жарған болатын.