ҚПЛ-2025 маусымының ең нәтижелі ойыншысы Марин Томасов 38 жасқа толды

Футбол
KazFootball.kz
31 тамыз күні «Астана» клубының жартылай қорғаушысы Марин Томасов туған күнін атап өтуде, деп хабарлайды Bassport.kz.
Хорватиялық футболшы 38 жасқа толып отыр. Қазіргі таңда ол Қазақстан Премьер-лигасының 2025 жылғы маусымның ең нәтижелі ойыншысы: 20 матчта 9 гол соғып, 10 нәтижелі пас берген.
Томасов «Астана» сапында 2017 жылдан бері ойнап келеді. Бұған дейін ол Хорватияның «Задар», «Хайдук» (Сплит), «Риека» клубтарында, Германияның «Мюнхен 1860» және Сауд Арабияның «Ан-Наср» командаларында өнер көрсеткен.
Ал «Астана» командасының қазіргі жағдайына тоқталсақ, 21 ойында 46 ұпай жинаған елорда клубы турнир кестесінде көш бастап тұр. Үздік үштікте сондай-ақ «Тобыл» (44 ұпай, 20 матч) мен «Қайрат» (43 ұпай, 20 матч) бар.