УЕФА «Қайраттың» ЧЛ-дағы үй матчтарына аренаны бекітті
fckairat.com
Алматылық «Қайрат» Чемпиондар лигасының жалпы кезеңіндегі барлық үй ойындарын Алматының Орталық стадионында өткізеді. Бұл шешімді УЕФА ресми түрде растады, деп хабарлайды Bassport.kz «Спорт Шредингерге» сілтеме жасап.
Регламентке (25-бап, 8-тармақ) сәйкес, жалпы кезеңде клубтың үй аренасын ауыстыруға тыйым салынған. Демек, «Қайрат» бірде-бір кездесуін елордадағы «Астана Аренада» өткізе алмайды. Тек ерекше жағдайларда ғана УЕФА қауіпсіздік, алаң сапасы немесе ұйымдастыру мәселелеріне байланысты матчты басқа қалаға көшіру туралы шешім қабылдай алады.
Айта кетейік, «Қайрат» екі қысқы матч өткізеді: 9 желтоқсанда «Олимпиакоспен», ал 20 қаңтарда бельгиялық «Брюггемен». УЕФА ережесіне сәйкес, ойындар ауа температурасы –15 градусқа дейін өтуі мүмкін. Бұған дейін Алматыда «Астана» мен «Челси» кездесуі –9 градус аязда өткен еді. Сонымен қатар, Орталық стадион алаңының жылытқыш жүйесі бар.
Алматыда 35 мың орындық жаңа стадион салыну жоспары бар, бірақ әзірге тек жоба күйінде қалып отыр.