Қазақстан УЕФА рейтингінде 39-орынға жайғасты
Sportburo.kz
Еурокубоктардағы іріктеу кезеңдерінің қорытындысы бойынша Қазақстан УЕФА-ның ұлттық коэффициенттер рейтингінде 39-орында тұр. Бұл туралы Bassport.kz хабарлайды.
Рейтинг соңғы бес маусымдағы клубтардың еурокубоктарда жинаған ұпайларына негізделіп есептеледі. Биылғы маусым үшін орташа көрсеткіш алынады: барлық ұпай саны ел атынан қатысқан клубтар санына бөлінеді.
Екінші іріктеу кезеңінде қазақстандық командалар әртүрлі нәтиже көрсетті. Алматының «Қайраты» Чемпиондар лигасында финляндиялық КуПС клубын ұтып, келесі кезеңге өтті. «Астана» Конференциялар лигасында молдавалық «Зимбруды» жеңіп, үшінші раундқа жолдама алды. Ал «Ақтөбе» Еуропа лигасындағы жолын аяқтады — олар чехиялық «Спартадан» жеңілді.
УЕФА рейтингіндегі үздік ондық келесідей:
1. Англия – 94.839
2. Италия – 84.374
3. Испания – 78.703
4. Германия – 74.545
5. Франция – 67.748
6. Нидерланды – 60.450
7. Португалия – 54.366
8. Бельгия – 52.350
9. Түркия – 42.400
10. Чехия – 39.200
Қазақстан – 39-орын (11.500 балл)
Бұл көрсеткіш — тұрақтылық пен даму бар екенін аңғартады, алайда еурокубоктық табысты нәтижелерге жету үшін клубтарымызға әлі де жұмыс қажет.