“Манчестер Сити” 2025 жылды трофейсіз аяқтады – соңғы сегіз жылдағы ең нашар нәтиже
Vesti.kz
Англияның «Манчестер Сити» футбол клубы 2025 жылдың күнтізбелік кезеңінде бірде-бір трофей жеңе алмады, деп хабарлайды Bassport.kz.
1 шілде күні клубтық әлем чемпионатының 1/8 финалында Хосеп Гвардиола шәкірттері Сауд Арабияның «Аль-Хиляль» командасынан 3:4 есебімен жеңіліп, турнирден шеттетілді.
Бұл маусым «Сити» үшін сәтсіз аяқталған жалғыз жарыс емес:
• Англия Кубогының финалында «Кристал Пэластан» 0:1 есебімен жеңілді.
• Кубоктық лигада «Тоттенхэмнен» 1:2 есебімен ұтылып, ерте қоштасты.
• Ағылшын Премьер-лигасында тек үшінші орынды місе тұтты.
• Чемпиондар лигасында «Реал Мадридтен» екі кездесуде де жеңіліп, плей-офф кезеңінен аса алмады (2:3, 1:3).
Соңғы жеңіп алған жүлдесі — 2024 жылдың тамызында өткен Англия Суперкубогы, онда «Манчестер Юнайтедті» жеңіп (бір матчтық финал), маусымды трофеймен бастаған еді.
Айта кетейік, «Сити» соңғы рет бірде-бір жүлдесіз маусымды 2017 жылы өткізген болатын. Осылайша, бұл нәтиже соңғы сегіз жылдағы ең сәтсіз кезең ретінде тіркеліп отыр.