«Елімай» уругвайлық қорғаушымен келісімшарт жасасты
ФК “Елімай”
Семейдің «Елімай» футбол клубы 23 жастағы уругвайлық қорғаушы Кевин Ролонды қатарға қосты, деп хабарлайды BasSport.kz.
«Уругвай жастар құрамасының бұрынғы ойыншысы, сол қапталдағы қорғаушы Кевин Ролон «Елімай» футбол клубымен келісімшартқа отырды. Ол Уругвайдың «Монтевидео Уондерерс» командасында 33 матч өткізіп, 5 гол соқты. Сонымен қатар, 2022 жылғы Оңтүстік Америка кубогында ұлттық құраманың сапында алты ойынға қатысты», – делінген клубтың хабарламасында.
Transfermarkt мәліметінше, футболшының нарықтық құны 600 мың еуроны құрайды.
Айта кетейік, «Монтевидео Уондерерс» Уругвайдың 4 дүркін чемпионы (1906, 1909, 1923, 1931). Кевин Ролон бұл командада негізгі ойыншылардың бірі болған. «Елімайға» ауысу – оның Оңтүстік Америкадан тыс алғашқы тәжірибесі болмақ.