Асу Алмабаев Таиландтағы жаттығу жиынын аяқтап, Майамиге аттанды
Әлеуметтік желі
Қазақстандық ММА спортшысы Асу Алмабаев кезекті жекпе-жегіне дайындықты жалғастыру мақсатында Майамиге жол тартты, деп хабарлайды BasSport.kz, Спорт Шредингераға сілтеме жасап.
Асу Алмабаевтың келесі жекпе-жегі 2025 жылдың 1 наурызында Лас-Вегаста өтетін UFC Fight Night 253 турнирінде өтеді. Ол октагонда австралиялық файтер Стив Эрцегпен кездеседі.
Таиландтағы алғашқы дайындық кезеңі DAR Team командасының бас бапкері Эдуард Базровтың жетекшілігімен өтті. Енді спортшы дайындықты Майамидегі Генри Хуфттың Kill Cliff залында жалғастырады. Эдуард Базровтың айтуынша, дайындық жоспарға сай жүріп жатыр, ал команда қарсыластың күшті және әлсіз тұстарын мұқият талдауда.
Қазіргі таңда Асу Алмабаев UFC-дің ең жеңіл салмақ дәрежесіндегі рейтингінде 8-орында тұр, ал оның қарсыласы Стив Эрцег 9-орынды иеленуде.
Алмабаевтың соңғы жекпе-жегі Матеус Николауға қарсы өткен болатын. Ол кездесуде Асу бір ауыздан шыққан төрешілер шешімімен жеңіске жетіп, UFC-дегі жеңісті сериясын жалғастырды. Ал Стив Эрцег үшін өткен жыл сәтсіз болды: ол мамыр айында Александр Пантожаға титулдық жекпе-жекте жеңілсе, кейін Кай Кара-Франстың нокаутына ұшырады.