«Мен белбеуді аламын»: Иэн Гэрри батыл мәлімдеме жасады
Жекпе-жек
Getty Images
Ирландиялық файтер Иэн Гэрри (15-1) жақында қазақстандық Шавкат Рахмоновтан (19-0) жеңіліс тапқанына қарамастан, батыл мәлімдеме жасады, деп хабарлайды BasSport.kz.
— Мен дайын болған кезде, сол белбеу үшін күресемін. Мен сол белбеуді аламын, сол тәжді иемденемін және бұл дивизионда қалағанымша үстемдік етемін! — деді Гэрри.
Еске сала кетейік, Шавкат Рахмонов пен Иэн Гэрри желтоқсан айында жекпе-жек өткізген болатын. Бұл кездесуде қазақстандық файтер төрешілердің бірауызды шешімімен жеңіске жетті. Алдағы уақытта Рахмонов UFC-дің жартылай орта салмақ чемпионы Белал Мұхаммадпен (24-3) кездесу өткізуі керек.
Бұған дейін бұл жекпе-жек желтоқсанда жоспарланған еді, бірақ Мұхаммад жарақатына байланысты жекпе-жектен бас тартқан болатын.