UFC мен WWE кәсіби бокс лигасын құруды жоспарлап отыр
sports.yahoo.com
UFC мен WWE ұйымдарын біріктірген TKO Group медиаконгломераты жақын арада кәсіби бокс лигасын құруды жоспарлап отыр, деп хабарлайды BasSport.kz.
Sports Illustrated дерегінше, бұл амбициялық жоба Сауд Арабиясымен серіктестік арқасында жүзеге асырылмақ. Жаңа лиганың атауы әзірге құпия сақталуда.
Еске салайық, UFC мен WWE 2023 жылдың қыркүйегінде TKO Group бренді аясында біріктірілген болатын.
Айта кету керек, соңғы жылдары Сауд Арабиясы кәсіби бокстың әлемдік аренасындағы басты орталықтардың біріне айналды. Елдің шенеунігі Турки Әл аш-Шейхтің қолдауымен Тайсон Фьюри мен Александр Усик, сондай-ақ Фрэнсис Нганну мен Тайсон Фьюри арасындағы ірі жекпе-жектер ұйымдастырылды.
Жаңа лига осы қарқынды одан әрі дамытуға бағытталады деп күтілуде.