Юлия Путинцева Аделаида турнирін жеңіспен бастады
Теннис
ҰОК
Қазақстандық теннисші, әлемнің 29-шы ракеткасы Юлия Путинцева Аделаидада өтіп жатқан WTA 500 турнирінің алғашқы айналымында 19-шы ракетка, хорватиялық Донна Векичті 6:2, 6:3 есебімен жеңді, деп хабарлайды BasSport.kz.
1 сағат 32 минутқа созылған матчта Путинцева сенімді ойын көрсетіп, қарсыласын айқын басымдықпен ұтты. Енді Юлия келесі кезеңде америкалық Даниэль Коллинз бен тунистік Онс Жабердің арасындағы кездесудің жеңімпазымен кездеседі.
Айта кетейік, Аделаидадағы бұл беделді турнир 6-11 қаңтар аралығында өтеді. Жарыстың жалпы жүлде қоры 1 064 510 АҚШ долларын құрайды.