Александр Бублик жаңа маусымды Аделаида турнирінен бастайды
Getty Images
Қазақстанның ерлер арасында бірінші, әлемнің 33-ракеткасы Александр Бублик Аделаида (Аустралия) ATP 250 турнирінде бақ сынайды, деп хабарлайды BasSport.kz inform.kz-ке сілтеме жасап.
Бұл қазақстандық теннисшінің жаңа маусымдағы алғашқы жарысы болмақ.
Жаңа жылды өзінің отбасымен қарсы алып, Аустралияға аттанған А.Бублик Аделаидада бастапқы кездесуін әлемнің 54-ракеткасы, сербиялық Миомир Кецмановичпен өткізеді.
Бұл доданың жүлде қоры — 766 290 доллар. Жүлде қоры 1 млн доллардан асатын әйелдер арасында Аделаида WTA 500 турниріне Қазақстанның екінші, әлемнің 29-ракеткасы Юлия Путинцева қатысады. Оның алғашқы қарсыласы — әлемнің 19-ракеткасы, Париж Олимпиадасының күміс жүлдегері, хорватиялық Донна Векич.
Екі жарыс та 6-11 қаңтар аралығында өтеді.