Шавкат Рахмоновтың болашағына қатысты күтпеген ақпарат пайда болды
Жекпе-жек
Әлеуметтік желі
Шавкат Рахмонов пен жартылай орта салмақтағы UFC чемпионы Белал Мұхаммадтың болашағына байланысты жаңа ақпарат тарады, деп хабарлайды Bassport.kz.
Кеше кештен бері таралған қауесеттерге сәйкес, қос спортшы UFC-дің The Ultimate Fighter реалити-шоуының 33-маусымында бапкер ретінде қатысуы мүмкін.
Бүгін бұл ақпаратты қазақстандық спортшының Dar Team командасы растады. Команда жариялаған жазбада бұл мәліметтің жағдайға жақын дереккөздерден алынғаны айтылған.
Еске салсақ, 8 желтоқсанда Шавкат Рахмонов Иэн Гэрриді жеңіп, UFC титулының басты үміткері атанды. Қазіргі уақытта жартылай орта салмақтағы белбеу Белал Мұхаммадқа тиесілі.