Алексей Чуркин Азия чемпионы атанды
Басқа
ҰОК
Қазақстандық ауыр атлет Алексей Чуркин Дохада (Катар) өткен жастар арасындағы Азия чемпионатының жеңімпазы атанды, деп хабарлайды Bassport.kz.
Чуркин 89 килограмм салмақ дәрежесінде үздік атанып, қоссайыста 360 (163+197) килограмм нәтижесін көрсетті. Күміс медаль ирандық Илия Салехипурға бұйырды, оның көрсеткіші – 356 (161+195) килограмм. Қола жүлдені тағы бір ирандық спортшы Аббаспур Алиреза жеңіп алды – 355 (159+196) килограмм.
Айта кетейік, жақында Бахрейннің Манама қаласында өткен ересектер арасындағы әлем чемпионатында Чуркин күміс медаль еншілеген болатын.