Исламбек Қуат “Жетісуға” ауысады
Футбол
KFF
Экс-астаналық жартылай қорғаушы Исламбек Қуат талдықорғандық “Жетісу” клубына қосылады, деп хабарлайды BasSport.kz.
Meta- ratings сайтының ақпаратына сәйкес, Қуат “Астана” клубымен келісімшарты аяқталғаннан кейін, бас бапкер қызметін Самат Смақов атқарып отырған “Жетісу” командасына ауысады.
Айта кетейік, Самат Смақов бұған дейін елордалық клубтың техникалық директоры болған.
Еске салсақ, Исламбек Қуат “Астана” сапынан еркін агент ретінде кетті. Ол астаналық ұжым құрамында екі мәрте Қазақстан чемпионы атанып, бір рет Суперкубок пен Қазақстан Лигасы Кубогын жеңіп алған.