Шавкат Рахмонов UFC 310 турниріндегі жеңісі үшін қанша ақша тапқаны белгілі болды

Жекпе-жек
Ufc.com
Лас-Вегаста (АҚШ, Невада штаты) өткен UFC 310 турнирінде қазақстандық файтер Шавкат Рахмонов ирландиялық Иэн Гэрриді (15-1) жеңіп, 450 мың доллар (230 млн теңге) табыс тапты, деп хабарлайды Bassport.kz.
350 мың доллар Рахмоновтың кепілдi гонорары болса, қосымша 100 мың доллар жеңісі үшін берілген сыйақы болды.
Айта кетейік, бұл Шавкаттың UFC-дегі жетінші жекпе-жегі және оның рекорды әлі күнге дейін мінсіз — 7 жеңіс, 0 жеңіліс. Ендігі кезекте оның қарсыласы жартылай орта салмақтағы UFC чемпионы, америкалық Белал Мұхаммед (24-3) болуы мүмкін деп күтілуде.