Тарихта тұңғыш рет: Михаил Шайдоров Гран-при финалына қатысады
ҰОК
Михаил Шайдоров мәнерлеп сырғанаудан Гран-при сериясының финалына өткен тұңғыш қазақстандық атанды, деп хабарлайды Bassport.kz 1bol.kz сілтеме жасап.
Жерлесіміз Қытайда өткен Гран-при кезеңінде күміс жүлдеге қол жеткізіп, сол арқылы финалға қатысушылардың қосалқы тізіміне ілікті.
Ал бүгін, 27 қарашада, француз мәнерлеп сырғанаушысы Адам Сяо Хим Фа соңғы жарысында жарақат алып, Гран-при финалына қатыса алмайтыны белгілі болды. Осылайша, қосалқы тізімнің көшбасшысы ретінде Михаил Шайдоров финалға қатысуға шақырту алды.
«Өзім сене алар емеспін, ойымды жинақтай алмай тұрмын. Мен Гран-при финалына қатысатын бірінші қазақстандық боламын. Керемет сезім», - деді Шайдоров.
Гран-при финалы 5-8 желтоқсанда Францияда өтеді. Михаилден бөлек ерлер арасында Илья Малинин (АҚШ), Юма Кагияма, Сюн Сато (екеуі де — Жапония), Кевин Аймо (Франция) және Даниэль Грассль (Италия) бақ сынайды.