Әйгілі Франк Чамисо Астанада
Sportbugin.kz
Еркін күрестен 2 дүркін Әлем чемпионы және 4 дүркін Еуропа чемпионы 74 келі салмақта атой салған әйгілі Франк Чамисо Астанаға келді, деп жазады Bassport.kz Sportbugin.kz сілтеме жасап.
29 қарашада Астанада «Wrestling Stars» халықаралық турнирі өтеді. Бұл турнир күресті насихаттау мақсатында өткізіледі. Beeline Arena кілемінде әлемнің және Қазақстанның ең мықты балуандары күш сынасады.
Атап айтқанда, әлемнің екі дүркін чемпионы, төрт дүркін Еуропа чемпионы, Рио Олимпиадасының жүлдегері Франк Чамисо (Италия), Улықбек Жолдошбеков (Қырғызстан), 23 жасқа дейінгі спортшылар арасында Әлем чемпионы, үш дүркін Азия чемпионы, екі дүркін Әлем чемпионатының қола жүлдегері Азамат Дәулетбеков, Азияның екі дүркін чемпионы, әлем чемпионатының қола жүлдегері Данияр Қайсанов, Ярыгинский турнирінің жеңімпазы, Ресей чемпионы Алан Багаев, 20 жасқа дейінгі спортшылар арасындағы әлем чемпионы Исхар Құрбаев, Азия чемпионатының қола жүлдегері Мейрамбек Қартбай, сондай-ақ Азия чемпионы Санжар Досжанов, әлем чемпионатының күміс жүлдегері Қорлан Жақанша, жастар арасындағы әлем чемпионы Начин Қуулар және басқа да балуандар өнер көрсетеді.
Чемпионат 29 қарашада Астанадағы Beeline Arena кешенінде сағат 18:00-де басталады.