Павлодарлық дәнекерлеуші бодибилдингтен чемпион атанды
Басқа
Instagram: @ALIEKSANDR.2888
Александр Тимошенко Астанада өткен турнирде жеңіске жетті.
Bassport.kz «Наша жизнь» басылымына сілтеме жасап хабарлауынша, павлодарлық Александр Тимошенко классикалық бодибилдингтен Қазақстан чемпионатында үш түрлі санат бойынша абсолютті жеңімпаз атанды. Астанада өткен турнирде ол еліміздің 30-дан астам мықты спортшыларын артта қалдырды.
«Алғашқы күні мен алтын жеңіп алдым, екінші күні де жеңіс менікі болды. Соңында “абсолюттік” чемпион болдым, үздіктердің үздігі атандым. Бодибилдингпен 15 жасымнан бері айналысамын, бірақ әскерден кейін кәсіби түрде шұғылдана бастадым», – деді Александр Тимошенко.
Қиын жаттығулар мен беделді жарыстарға қатысуды Александр Павлодардағы ірі кәсіпорында дәнекерлеуші қызметімен ұштастырып келеді.