2024 жылы бокстан Азия чемпионатының өтетін орны өзгерді
Бокс
Olympic.kz
Азия бокс конфедерациясының баспасөз қызметі 2024 жылы өтетін Азия чемпионатының өткізілу орнының өзгергенін ресми түрде жеткізді, деп хабарлайды Bassport.kz Olympic.kz-ке сілтеме жасап.
Бұған дейін бұл жарыс Иорданияның Амман қаласында өтуі тиіс болған. Ресми ақпаратқа сәйкес, биылғы чемпионатты Тайланд қабылдайды, жарыстар Чиангмай қаласында өтеді.
Турнирдің өткізілетін мерзімі өзгеріссіз қалды – 30 қарашадан 11 желтоқсанға дейін.
Айта кетейік, соңғы рет Азия чемпионаты Тайландта 2019 жылы өткен болатын.