Санжарәлі Бегалиев өзбекстандық боксшыны жеңіп, әлем чемпионы атанды
Бокс
ҚБФ
Қазақстандық боксшы Санжарәлі Бегалиев Черногорияда өтіп жатқан 2024 жылғы жастар арасындағы әлем чемпионатында 75 кг салмақ дәрежесінде әлем чемпионы атанды, деп хабарлайды Bassport.kz
Финалда өзбекстандық Джафарбек Шахбазовпен кездескен Бегалиев айқын басымдылықпен жеңіске жетті.
Шымкент қаласының тумасы Бегалиев 2022 жылғы жасөспірімдер арасында және 2024 жылғы жастар арасында Азия чемпионы атанған.
Айта кетейік, бұған дейін Будвада өткен әлем чемпионатында тағы бір шымкенттік боксшы Төрехан Сабырхан алтын медаль иеленген болатын.
Осылайша, Санжарәлі Бегалиев Қазақстан қоржынына екінші алтынды қосты.