Шардаралық қолкүресшілер әлемді тағы бір мәрте мойындатты
Түркістан облысы әкімінің баспасөз қызметі
2024 жылы тамыз айының 15-24 күндері аралығында Молдова елінің Кишинёв қаласында өткен армрестлингтен 45-ші әлем чемпионаты өз мәресіне жетті, деп хабарлайды Bassport.kz Түркістан облысы әкімінің баспасөз қызметіне сілтеме жасап.
61 мемлекеттен 1 500-ден аса спортшы қатысқан әлемдік додада шардаралық спортшылар 20 алтын жүлдені қанжығаларына байлап, Әнұранымызды 20 рет шырқатты.
Жеңіс тұғырынан көрінген жерлестерімізді атап айтар болсақ:
Жас-жеткіншектер арасында әлем чемпиондары:
1. Алдан Нұрсұлтан
2. Қали Текжігіт
3. Анвар Эльдар
4. Серік Ерсұлтан
5. Закирова Назым
Жасөспірімдер арасында әлем чемпиондары:
1. Есен Мейрамбек
2. Маманияз Жасурбек
3. Мелдебек Болат
4. Ибрагим Әділет
5. Оралбай Ұлжан
6. Абдулла Аружан
7. Оразхан Ырысты
Жастар арасында әлем чемпиондары:
1. Мухамбетов Ердаулет
2. Қали Қасымжомарт
Мүмкіндігі шектеулі азаматтар арасында әлем чемпионы:
1. Құралбаев Ұлықбек
Ересектер арасында әлем чемпиондары:
1. Нұрмахан Ердәулет
2. Зәрубек Санжар
3. Ерсайын Мейрамбек
4. Айдархан Нұрдаулет
5. Құттымұратов Медет
Бұдан бөлек шардаралықтар 16 күміс және 4 қола медальға қол жеткізіп, әлемдегі теңдессіз клуб екенін тағы да дәлелдеді. Жалпы есепте Қазақстан құрамасы 52 алтын медальмен 1-орынға жайғасты.
Айта кетсек, Қазақстан Республикасының ерлер құрамасы (ересектер арасында) жеңіп алған 8 алтынның 6 алтын медальін «Шардара Армспорт» клубының спортшылары қанжығасына байлап, ерлер арасында жалпы есепте 1-орынды иеленді.