Еуропа лигасының жеребесі тартылды
Швейцарияның Ньон қаласында футболдан Еуропа лигасы 1/8 финалының жеребесі тартылды, деп хабарлайды BasSport.kz.
Жеребе тартуға барлығы 16 команда қатысты. Олардың 8-і топтық кезеңде бірінші орын алған ұжымдар болса, тағы 8-і плей-офф сатысында жеңімпаз атанғандар.
Жарыстың аталған сатысында клубтар екі кездесу (өз алаңында, түзде) өткізеді. Жеңімпаздар 1/4 финалға жолдама алады.
1/8 финалдағы жұптар:
«Спарта Прага» (Чехия) - «Ливерпуль» (Англия)
«Марсель» (Франция) - «Вильярреал» (Испания)
«Рома» (Италия) - «Брайтон» (Англия)
«Бенфика» (Португалия) - «Рейнджерс» (Шотландия)
«Фрайбург» - «Вест Хэм» (Англия)
«Спортинг» (Португалия) - «Аталанта» (Италия)
«Милан» (Италия) - «Славия Прага» (Чехия)
«Карабах» (Әзербайжан) - «Байер» (Германия).
1/8 финалдың алғашқы ойыны 7 наурызда өтсе, қарымта кездесу 14 наурызға белгіленген. Финал 22 мамырда Ирландия астанасы Дублин қаласындағы «Авива» стадионында өтеді.