«Павлодар» волейбол клубы Қазақстан кубогын жеңіп алды
![«Павлодар» волейбол клубы Қазақстан кубогын жеңіп алды | BASSPORT «Павлодар» волейбол клубы Қазақстан кубогын жеңіп алды](https://bassport.kz/storage/2023/10/22/VxDmDRR7jD0hl4JS0XvdStsXvvJlFn6bjLr7qHj3.jpg)
pavlodarnews.kz/Валерий Бугаев
Павлодар қаласындағы «Баянтау» спорт кешенінде волейболдан ерлер командалары арасында ҚР кубогі ойындары мәресіне жетті, деп хабарлайды BasSport.kz.
Осымен 31-рет ұйымдастырылып отырған ел кубогі турнирінің финалына биылғы Қазақстан чемпионы «Павлодар» мен «Есіл» (Петропавл) клубтары жолдама алды.
Ұлттық лига командалары арасында биыл 5-орыннан көрінген «Есілдің» финалға шығуы күтпеген жағдай еді.
Финалдық бәсеке де сондай тартысты болды.
Онда Петропавл волейболшыларының жеңіске жететіндей мүмкіндіктері болды.
Дегенмен шешуші сәттерде сәтті ойнай білген Игорь Никольченко жаттықтыратын павлодарлықтар 3:2 (22:25, 25:20, 20:25, 25:19, 18:16) есебімен жеңісті жұлып алды.
Осылайша, «Павлодар» клубы чемпиондық атаққа қоса ел кубогіне ие болды.