ӘЧ-2026: Бүгін Испания мен Аргентина кездеседі

18 шілдеден 19-ына қараған түні футболдан 2026 жылғы әлем чемпионатында Испания мен Аргентина бас жүлдеге таласады, деп хабарлайды Bassport.kz Informsports.kz-ке сілтеме жасап. 

Кездесу Қазақстан уақытымен 00:00-де басталып, «Qazaqstan» және «Qazsport» телеарналарынан тікелей эфирде көрсетіледі. 

Кездесу АҚШ-тың Нью-Джерси қаласындағы 82566 адамға арналған «Метлайф» стадионында өткізілді. Бас төреші - Славко Винчич (Словения). Оған отандастары Томаж Кланчник пен Андраж Ковачич көмектеседі. Қосалқы төреші - Адхам Махадме (Иордания). Испания H тобында екі жеңіс, бір тең ойынмен 7 ұпай жинады. Олар Уругвайды 1:0, Сауд Арабиясын 4:0 есебімен жеңіп, Кабо-Вердемен 0:0 есебімен тең түсті. Одан кейін 1/16 финалда Аустрияны 3:0, 1/8 финалда Португалияны 1:0, 1/4 финалда Бельгияны 2:1 есебімен жеңді. Жартылай финалда Францияны 2:0 есебімен қапы қалдырды. Аргентиналық футболшылар J тобында сынға түсіп, бірде-бір ұпайдан шашау шығарған жоқ. Олар Аустрияны 2:0, Алжирді 3:0, Иорданияны 3:1 есебімен тізе бүктіріп, өз тобында тоғыз ұпаймен бірінші орын алды. Одан кейін аргентиналық футболшылар Кабо-Вердені қосымша кезеңде 3:2, Египетті 3:2, 1/4 финалда Швейцарияны қосымша кезеңде 3:1 есебімен жеңді. Олар жартылай финалда Англияны 2:1 есебімен тізе бүктірді. 

Айта кетсек, 2026 жылғы футболдан әлем чемпионатының үшінші орын үшін өткен матчында Англия құрамасы Францияны 6:4 есебімен жеңіп, турнирдің қола жүлдегері атанды.