Нұрбек Оралбай Азия чемпионын ұтып, жартылай финалға жолдама алды
Бокс
Қазақстандық боксшы Нұрбек Оралбай Ташкентте (Өзбекстан) өткен 2023 жылғы әлем чемпионатының ширек финалында өнер көрсетті, деп хабарлайды BasSport.kz.
Ширек финалда 80 келінің өкілі Оралбай иорданиялық Хуссейн Эйшайш Ишайшпен кездесті. Иорданиялықтың Азия чемпионы, сарық құрлықтың үш дүркін қола жүлдегері деген атағы бар. Соған қарамастан Нұрбек жекпе-жекті өз пайдасына шешті.
Осылайша Оралбай әлем чемпионатының жартылай финалына шығып, кем дегенде қола медальді қанжығасына басады.
Бұл – Қазақстан құрамасының биылғы әлем біріншілігіндегі екінші медалі: бұған дейін жартылай финалға капитан Асланбек Шымбергенов (71 кг) шыққан болатын.