Холанд АПЛ абсолютті рекордының иесі атанды
Футбол
“Манчестер Сити” норегиялық шабуылшысы Эрлинг Холанд Ағылшын Премьер-лигасы абсолютті рекордының иесі атанды, деп хабарлайды bassport.kz тілшісі.
Англия чемпионатының 28-туры “Вест Хэм Юнайтедке” қарсы болған ойынның 70-минутында нәтижелі соққысымен көзге түскен Холанд осы маусымдағы 35-голын соқты. Осылайша, ол бір маусымда соғылған голдар саны бойынша АПЛ абсолютті рекордының иесі атанды.
22 жастағы шабуылшы 1993-1994, 1994-1995 жылдар маусымдарының 40 матчында 34 гол соққан Энди Коул мпр Алан Ширердің рекордын жаңартты.
Сондай-ақ, Эрлинг Холанд бұл көрсеткішін тағы да жақсарта түсуі мүмкін. Өйткені, “Манчестер Ситидің” Англия чемпионатында өткізетін тағы бес матчы бар.