Данис Зарипов бапкерлік мансабын бастауы мүмкін
Хоккей
Данис Зарипов “Ақ Барстың” жастар командасы “Ирбистің” бас бапкері атануы мүмкін, деп хабарлайды BasSport.kz тілшісі.
Қазандық клуб экс-ойыншысына келісімшарт ұсынған. Өткен маусымда “Ирбис” сапында Данис Зариповтің ұлы өнер көрсеткен, енді ол келер жылы Бүкілресейлік хоккей лигасында ойнайтын “Барс” намысын қорғайды.
Еске салайық, Данис Зарипов биылғы плей-офф алдында мансабын аяқтағанын мәлімдеген. Ол 2001-2013 және 2017-2023 жылдар аралығында “Ақ Барста” өнер көрсетті. Ол қазандық клубпен бірге үш дүркін (2009, 2010, 2018) Гагарин Кубогының иегері атанған.