UTLC Ice Cup турнирінің жеңімпазы анықталды
Астанада хоккейден UTLC Ice Cup 2023 халықаралық турнирі өз мәресіне жетіп, жеңімпаздар мен жүлдегерлер анықталды, деп хабарлайды BasSport.kz тілшісі.
Қола жүлде үшін таласта айдын иелері “Барыс” СКА-дан 3:4 есебімен жеңіліп, Санкт-Петербург командасы үшінші орынға ие болды.
Ал финалда челябілік “Трактор” мен “Локомотив” кездесіп, алтын медальді сарапқа салған. Алғашында челябілік клуб 2:0 есебімен алда тұрған, алайда екінші кезеңнің аяқталуына сәл-ақ қалғанда “Локомотив” хоккейшілері есепті теңестірді. Ал қорытынды жиырма минуттықта тағы екі гол соғып, жеңіске бір табан жақындай түсті. Үшінші кезең аяқталар тұста “Трактор” есепті теңестіруге тырысқан, тіпті есептегі айырмашылықты бір шайбаға дейін қысқартқан. Десе де, ол жеңіске жету үшін жеткіліксіз болды. Осылайша, “Локомотив” UTLC Ice Cup 2023 турнирінің чемпионы атанды.