UTLC Ice Cup турнирінің жеребесі тартылды
15-19 сәуір аралығында Астанада хоккейден UTLC Ice Cup 2023 халықаралық турнирі өтеді, деп хабарлайды BasSport.kz тілшісі.
”Барыс-2009”, “Локомотив”, СКА, “Динамо” Минск, “Трактор” және “Метталург” командалары бақ сынайтын турнирдің баспасөз конференциясы мен жеребе тарту рәсімі өтті.
Баспасөз конференциясында турнирді бас ұйымдастырушы компанияның директоры Алексей Гром осындай жарысты ұйымдастыру ұйым үшін үлкен мәртебе екенін атап өтті.
Шара аясында турнирдің жеребесі тартылып, оған Қазақстан ұлттық құрамасы мен “Барыстың” экс шабуылшысы Талғат Жайлауов қатысты. Ол:
“Мұндай турнир - балалардың қандай деңгейде екенін көру үшін жақсы мүмкіндік. Әрине, әрдайым мықтылармен сайысқа түсу керек. Ад бұл жігіттердің қанында бар. Барлық командаларға сәттілік тілеймін, ең мықты команда чемпион атансын”, - деп жас хоккейшілерге тілек білдірді.
Жеребе қорытындысында “Барыс-2009”, “Металлург” және СКА командалары А тобында бақ сынайтын болды.
Ал В тобында минскілік “Динамо”, “Локомотив”, “Трактор” командалары өзара сынға түседі.
Әрі қарай өз топтарында үшінші орын алған командалар бесінші орын және алтын мен қола жүлделер үшін таласады.
Турнирге қатысушы командалардың барлығы 14 жасқа толмаған хоккейшіледен жасақталған.