“Адмирал” Леонид Метальниковпен келісімшартты ұзартты
Хоккей
Владивостоктың “Адмиралы” қазақстандық қорғаушы Леонид Метальниковпен келісімшартты ұзартқанын мәлімдеді, деп хабарлайды BasSport.kz тілшісі.
Ұлттық құрама қорғаушысымен жасалған жаңа келісімшарт бір жылға есептелген.
Биылғы маусымда 32 жастағы хоккейші ҚХЛ тұрақты чемпионатында 60 матч өткізіп, 4(0+4) ұпай еншіледі. Ал плей-оффтың 12 ойынында бір нәтижелі пасты өз пайжасына жазды.
Айта кетейік, биыл “Адмирал” тарихта тұңғыш рет Гагарин Кубогы екінші кезеңінде өнер көрсетті. Алғашқы айналымда “Салават Юлаевты” жеңсе (4:2), екінші кезеңде “Ақ Барстан” жеңіліп қалды - 2:4.