6 финал - 6 чемпион: боксшыларымыз Венгрияда табысты өнер көрсетті
Бокс
Венгрияның Дебрецен қаласында бокстан Иштван Бочкай атындағы 67-халықаралық турнирі өз мәресіне жетті, деп хабарлайды bassport.kz тілшісі.
Жарыстың ақтық сынына алты боксшымыз жоллама алған және олардың алтауы да қарсыластарынан басым түсіп, алтын жүлдеге қол жеткізді: Теміртас Жүсіпов (48 келі), Серік Теміржанов (57 келі), Саматәлі Төлтаев (60 келі), Дулат Бекбауов (67 келі), Аятулла Такижанов (75 келі), Айбек Оралбай (92 келі).
Сондай-ақ, ел қоржынына Дамир Әбдіқадыр (51 келі), Дәулет Молдашев (54 келі) пен Ермахан Жақпековтер (71 келі) қола медаль салды.