Елена Рыбакина әлемнің бірінші ракеткасын жеңіп кетті
Теннис
Теннистен Аустралия ашық чемпионатының 1/8 финалында әлемнің бірінші ракеткасы Ига Швентекпен сынға түскен Елена Рыбакина ширек финалға өтті, деп хабарлайды BasSport.kz тілшісі.
Елена Рыбакина польшалық теннисшіні 6:4, 6:4 есебімен екі сет қорытындысында сенімді жеңді.
Сөйтіп, ол кәсіби мансабында тұңғыш рет Аустралия ашық чемпионатының ширек финалына өтті.
Ширек финалда теннисшіміз Елена Остапенкомен сынға түседі. Матч 24 қаңтар күні өтеді.