Роналду “Әл-Насрдың” капитаны болады
Футбол
Португалиялық футболшы Криштиану Роналду өзінің жаңа клубы “Әл-Насрдың” франциялық “ПСЖ-ға” қарсы өткізетін жолдастық кездесуінде командасын алаңға бастап шығады, деп хабарлайды BasSport.kz тілшісі.
19 қаңтар күні Эр-Риядта өтетін арабиялық қос клуб “Әл-Наср” мен “Әл-Хилальдің” ойыншыларынан жасақталған құрама мен франциялық “ПСЖ” жолдастық кездесуінде команда капитаны Криштиану Роналду болады.
37 жастағы футболшы Сауд Арабиясы ойын-сауық істері басқармасының басшысы және “Альмерия” футбол клубының иесі Турки Әл аш-Шейхтен капитандық белгіні алды.
Еске салайық, Роналду өткен жылдың соңында “Әл-Насрға” ауысты, десе де саудиялық клуб үшін дебюттік матчын ойнаған жоқ.