Универсиада-2023: Қазақстан құрамасы Венгриямен шеберлік байқасады
12-22 қаңтар күндері АҚШ-тың Лейк-Плэсидінде өтетін ХХХ қысқы Универсиада ойындарында хоккейден Қазақстан құрамасы жарыс жолын бастап, алғашқы жеңісіне қол жеткізді. Тәулікке жетпес уақыттан кейін, ұлттық құрама турнирдегі екінші кездесуін өткізеді, деп хабарлайды bassport.kz тілшісі.
Жарыстың топтық кезеңі аясындағы Қазақстанның екінші қарсыласы - Венгрия құрамасы. Матч Астана уақытымен 20:30-да басталады. Оның тікелей көрсетілімін "FISU.tv" мобильді қосымшасын жүктеп, тіркелу арқылы тегін көруге болады.
Еске салайық, қаңтардың 12-сінен 13-не қараған түні Оңтүстік Кореяға өткен матчта Қазақстан құрамасы қарсыласы 5:1 есебімен жеңген. Ұлттық құрама сапынан Максим Мусоров, Максим Мухаметов пен Алдияр Нұрлан, сондай-ақ дубль авторы атанған Кирилл Полохов нәтижелі әрекеттерімен көзге түскен.