Қазақстан хоккей құрамасы Универсиададағы алғашқы кездесуін өткізеді
Хоккей
Ертең АҚШ-тың Лейк-Плэсид қаласында ХХХ Универсиада ойындары басталады. Ал 12 қаңтардан 13-іне қараған түні хоккейден Қазақстан студенттер құрамасы алғашқы матчын өткізеді, деп хабарлайды BasSport.kz тілшісі.
Ұлттық құрама команданың алғашқы қарсыласы Оңтүстік Корея болмақ. Матч Астана уақытымен 00:00-де басталады. Ойынның тікелей көрсетілімін “Qazsport” телеарнасынан көруге болады.
Еске салайық, Қазақстан хоккей құрамасы Универсиадада сәтті өнер көрсетеді. Осыған дейін өткен студенттік ойындарда ұлттық құрама ел қоржынына бір алтын, төрт күміс және бір қола медаль салған.