Хорватия 2022 жылғы әлем чемпионатында 3-орын алды
Хорватия құрамасы 2022 жылы Катарда өтіп жатқан әлем чемпионатында 3-орын үшін өткен ойында Марокко құрамасын жеңді. Хорватия құрамасы 2:1 есебімен жеңіске жетті, деп хабарлайды BasSport.kz тілшісі.
Барлық голдар бірінші таймда соғылды. Есепті матчтың 7-минутында гол соққан хорватиялық қорғаушы Йошко Гвардиол ашты. Бірақ 9-минутта марокколық қорғаушы Ашраф Дари есепті теңестірді – 1:1. Шешуші голды 42-минутта хорватиялық шабуылшы Мислав Оршич соқты.
Хорватия құрамасы қатарынан екінші әлем чемпионатында жүлдегер атанды. 2018 жылғы әлем чемпионатында құрама финалда Франция құрамасынан (2:4) ұтылды.
Еске сала кетейік, 1998 жылы Францияда өткен әлем чемпионатында хорваттар да қола жүлдегер атанған болатын.
Марокко жеңілгеніне қарамастан өз тарихындағы ең жақсы нәтижеге қол жеткізді. Ұлттық құрама да Африкадан әлем чемпионатының жартылай финалына шыққан алғашқы команда атанды.