Бускетс ұлттық құрамадағы мансабын аяқтады
Футбол
Испания ұлттық құрамасының жартылай қорғаушысы Серхио Бускетс ұлттық құрамадағы мансабын аяқтады, деп хабарлайды BasSport.kz тілшісі.
Бұл туралы футболшының өзі әлеуметтік желідегі парақшасында жазды.
Серхио Бускетс Испания құрамасының сапында алғаш рет 2009 жылы ойнаған. 13 жылда футболшы ұлттық командамен бірге 143 матч өткізіп, 2 гол соққан.
Спортшы 2010 жылы Испания құрамасымен бірге әлем чемпионы, 2012 жылы Еуропа чемпионя атанған болатын.
Биылғы әлем чемпионаты испаниялықтар үшін сәтсіз болды. Команда Марокко және Жапония құрамаларынан сенсациялық түрде жеңіліс тауып, әлем чемпионатын 1/8 финалда аяқтаған еді.