Келесі Мундиаль Катардағы біріншіліктен өзгерек. Несімен?
Футбол
Футболдан Катардағы әлем чемпионатының соңы таяп қалды. Сондықтан 4 жылдан кейінгі Мундиаль жайын талқылайтын шақ туды десе де болады. 2026 жылы Мексика, АҚШ пен Канада елдерінде қатар өтетін біріншіліктегі өзгерістер туралы ФИФА президенті Джанни Инфантино айтты, деп хабарлайды BasSport.kz тілшісі.
“Келесі әлем чемпионаты топтарының форматтарын тағы да талқылау керек деп есептеймін. Әр топта 3 командадан болады деген жоспар болған. Бірақ, Катардағы әлем чемпионатындағы топтық кезең тартысқа толы болды. Сондықтан 4 командадан тұратын 12 топ жасақтап көруді ойластыру керек”, - деді Джанни Инфантино.
2026 жылғы әлем чемпионатында 48 құрама команда бақ сынайтынын еске сала кетейік.